‌എന്റെ ആല്‍ബം..

പൂക്കള്‍...

2008-10-05T20:04:00.001+05:30

നാഗലിംഗപുഷ്‌പം - വയനാട്ടിലെ പുല്‍പ്പിള്ളിയില്‍നിന്ന്

2008-04-24T20:18:00.012+05:30

വയനാട്ടിലെ പുല്‍പ്പിള്ളിയിലുള്ള സീതാദേവിയുടേയും ലവകുശന്മാരുടേയും ക്ഷേത്രമുറ്റത്ത് നില്‍ക്കുന്ന വലിയ പ്രത്യേകതകളൊന്നും ഇല്ലാത്ത വലിയൊരു മരം.. അതില്‍ പെട്ടന്ന് ശ്രദ്ധിക്കാന്‍ തന്നെ സാധ്യതയില്ലാത്ത വലിയൊരു പുഷ്‌പം... വലിയ മരത്തില്‍, ഇലകള്‍ക്കിടയില്‍ വിടര്‍ന്നു നില്‍ക്കുന്ന ഇരട്ടപ്പൂക്കള്‍.. അകലെ നിന്നും നോക്കിയാല്‍ പൂക്കളാണെന്ന് അറിയാന്‍ തന്നെ പ്രയാസം...

പക്ഷേ ആഷേച്ചിയുടെ ആഷാഢത്തിലെ നാഗലിംഗപുഷ്പം എന്ന പോസ്റ്റ് വായിച്ചത് മനസ്സിലുണ്ടായിരുന്നതുകൊണ്ട് വളരെപ്പെട്ടന്നുതന്നെ ഈ മരവും പൂവും തിരിച്ചരിയാന്‍ പറ്റി.. അതുകൊണ്ട് തന്നെ ഈ പൂക്കളുടെ ഫോട്ടോ എടുക്കാനും മറന്നില്ല..

അവിടെ കണ്ട മരത്തില്‍ അധികം പൂക്കളൊന്നും ഉണ്ടായിരുന്നില്ല.. അധികം ഉയരത്തിലല്ലാതെ ഉണ്ടായിരുന്നത് ഈ രണ്ട് പൂക്കള്‍ മാത്രവും.. അതും അത്ര താഴെയൊന്നുമായിരുന്നില്ല..
എങ്കിലും ക്യാമറ പറ്റുന്നത്ര സൂം ചെയ്‌തുതന്നെ ചിത്രങ്ങളെടുത്തു.. പലവട്ടം..

കൂടുതല്‍ അടുത്തുകാണുന്തോറും ആ പൂവ് കുറേക്കൂടി സുന്ദരമായിത്തോന്നി..
നല്ല കട്ടിയുള്ള ഇതളുകളാണിതിനുള്ളതെന്ന് തോന്നി.. അടുത്തുകാണാനായി പൊഴിഞ്ഞുവീണ പുഷ്‌പങ്ങള്‍ തിരഞ്ഞെങ്കിലും ഒന്നും കാണാന്‍ പറ്റിയില്ല.. അവസാനം ഈ ചിത്രങ്ങള്‍ കൊണ്ട് സമാധാനപ്പെട്ടു..

നാഗലിംഗപു‌ഷ്‌പത്തെക്കുറിച്ച് അറിയാന്‍ ആഷാഢത്തിലെ നാഗലിംഗപുഷ്‌പമെന്ന പോസ്റ്റ് നോക്കുക..

വിഷു - Vishu

2008-04-14T06:00:00.005+05:30

എല്ലാ തനിമലയാളികള്‍ക്കും വിഷു ആശംസകള്‍.. കണിക്കൊന്ന
വിഷുക്കണി

ചെമ്പകം - തൃപ്പൂണിത്തുറ ഹില്‍‌പാലസില്‍ നിന്ന്..

2008-02-24T12:07:00.010+05:30

തൃപ്പൂണിത്തുറ ഹില്‍‌പ്പാലസില്‍ 23.02.2008-ല്‍ ഓര്‍ക്കുട്ട് തനിമലയാളക്കൂട്ടത്തിലെ കുറച്ച് അംഗങ്ങള്‍ ഒത്തുകൂടിയപ്പോള്‍ പകര്‍ത്തിയ ഉദ്യാനത്തിന്റെ ചില ചിത്രങ്ങള്‍..

ഹില്‍‌പാലസില്‍ നിന്നുള്ള കൂടുതല്‍ ചിത്രങ്ങള്‍ ഇവിടെ പിക്കാസ ആല്‍ബത്തില്‍

താലം..

2008-02-11T23:21:00.001+05:30

റോസ്..

2008-01-30T22:37:00.002+05:30

ഭൂതത്താങ്കെട്ട് - പുതിയ ചിത്രങ്ങള്‍...

2008-01-27T22:11:00.000+05:30

ചെമ്പരത്തി..

2007-12-29T22:06:00.001+05:30

മുല്ലപ്പൂവ്..

2007-12-28T21:43:00.001+05:30

മഴ..

2007-11-04T11:53:00.000+05:30

ഇടവപ്പാതിമഴയുടെ രണ്ടു ചിത്രങ്ങള്‍..

ഗുരുവായൂര്‍ ആനക്കൊട്ടില്‍

2007-09-23T19:18:00.000+05:30

ഗുരുവായൂര്‍ ആനക്കൊട്ടിലില്‍നിന്നുള്ള ചില നിമിഷങ്ങള്‍..

ഇവന്റെ അഹങ്കാരം കണ്ടോ!

പാണിയേലി പോര് Paniyeli Poru

2007-07-10T23:30:00.000+05:30

പാണിയേലി പോര്...മനോഹരമായ പാറക്കൂട്ടങ്ങൾ നിറഞ്ഞ പെരിയാറിന്റെ ഒരു ഭാഗം. മനോഹരമെങ്കിലും വളരെ അപകടകരവുമാണ് ഈ പാറക്കൂട്ടങ്ങള്‍. രണ്ടു ഭാഗത്തുനിന്നായി വളരെ ശക്തിയില്‍ ഒഴുകിയെത്തുന്ന ജലത്തിന്റെ ശക്തിയാല്‍ പാറകൂട്ടങ്ങള്‍ പരസ്‌പരം ഉരഞ്ഞ് ചെറിയ ചെറിയ കുഴികള്‍ രൂപപ്പെടുകയും വര്‍ഷങ്ങള്‍ കൊണ്ട് അത് വളരെ അപകടകരമാകുകയും ചെയ്യുന്നു... ഈ സ്ഥലത്തിന് പോര് എന്ന പേര് കിട്ടിയതും രണ്ടുഭാഗത്തുനിന്നും ശക്തമായി ഒഴുകിവരുന്ന ഈ ജലത്തിന്റെ പോരുകൊണ്ടുതന്നെ... വര്‍ഷക്കാലത്ത് ജലം നിറഞ്ഞൊഴുകുമ്പോള്‍ ഈ കുഴികള്‍ കാണാന്‍ സാധിക്കില്ലായെന്നത് നീന്തലറിയാവുന്ന ആളുകളെപ്പോലും അപകടത്തില്‍‌പ്പെടുത്തുന്നു.. ഇവിടെ രൂപപ്പെടുന്ന ചുഴികളില്‍‌പ്പെട്ടാല്‍ രക്ഷപെടുക അസാധ്യമാണ്... ഇക്കോ ടൂറിസം പദ്ധതിയുടെ കീഴിലുള്ള ഈ പ്രദേശത്ത് പരിചയസമ്പന്നരായ ഗൈഡുകളെ നിയോഗിച്ചിട്ടുണ്ട്.. സഹായത്തിനുള്ള ഗൈഡുകളുടെ നിര്‍‌ദ്ധേശങ്ങള്‍ പാലിച്ചാല്‍ പ്രശ്‌നങ്ങളൊന്നുമില്ല... പെരുമ്പാവൂരില്‍ നിന്നും കുറുപ്പം‌പടി, കൊമ്പനാട്, പാണിയേലി റോഡിലൂടെ ഏകദേശം 22 കിലോമീറ്റർ സഞ്ചരിച്ചാല്‍ പാണിയേലി പോരിലെത്താം...

ചിത്രം 1. പാണിയേലി പോരിലെ പാറക്കൂട്ടങ്ങള്‍.. നല്ല മഴ പെയ്‌താല്‍ വളരെപ്പെട്ടന്ന് തന്നെ വെള്ളം ഉയരുകയും ഈ പാറക്കൂട്ടങ്ങള്‍ മുങ്ങിപ്പോകുകയും ചെയ്യും..
ചിത്രം 2. ഒഴുക്കിന്റെ ശക്തിയില്‍ വലിയ പാറയില്‍ രൂപപ്പെട്ടിരിക്കുന്ന കുഴികള്‍.. പുഴ നിറഞ്ഞൊഴുകുമ്പോള്‍ ഇവിടെ വളരെ അപകടകരമായ ചുഴി രൂപപ്പെടും..
ചിത്രം 3. കലങ്ങിമറിഞ്ഞൊഴുകുന്ന പെരിയാര്‍
ചിത്രം 4. ഇതിലൂടെ ഒരു പുഴ ഒഴുകുന്നുണ്ടായിരുന്നു എന്നെഴുതേണ്ടിവരുമോ??
ചിത്രം 5 & 6. പാണിയേലിയിലെ പാറക്കെട്ടുകള്‍

നേഹ വിനോദ്... ഞങ്ങളുടെ നിച്ചുമോള്‍

2007-06-15T23:33:00.000+05:30

പാണംകുഴി പുഴ..

2007-05-19T23:29:00.000+05:30

“പെരിയാറേ പെരിയാറേ പർവ്വതനിരയുടെ പനിനീരേ..

കുളിരുംകൊണ്ട് കുണുങ്ങിനടക്കും മലയാളിപ്പെണ്ണാണു നീ

ഒരു മലയാളിപ്പെണ്ണാണു നീ”

പെരിയാറൊഴുകുന്ന ഓരോ ഭാഗവും മനോഹരം തന്നെ.. അതിൽ ഏതുഭാഗത്തുചെന്നാലും അതാണ് ഏറ്റവും മനോഹരമെന്ന് തോന്നിപ്പോകുന്നത്ര സുന്ദരിയാണ് പെരിയാർ.പാണംകുഴിയും വ്യത്യസ്ഥമല്ല.. എത്രകണ്ടാലും മതിവരാത്ത ഒരു സൗന്ദര്യം പാണം‌കുഴിക്കുമുണ്ട്.. പെരുമ്പാവൂരിൽനിന്നും കുറുപ്പം‌പടി - വേങ്ങൂർ - കൊമ്പനാട് വഴി ഇരുപത് കിലോമീറ്ററോളം സഞ്ചരിച്ചാൽ പാണംകുഴിയിലെത്താം.. പെരുമ്പാവൂരിൽനിന്നും കോടനാട് - ആലാട്ടുചിറവഴിയും ഇവിടെയെത്താം... വളരെ മനോഹരമായ ഈ പുഴയുടെ തീരം നിരവധി സഞ്ചാരികളെ ആകർഷിക്കുന്ന ഒരു ടൂറിസ്റ്റ് കേന്ദ്രമായി വളർന്നുകൊണ്ടിരിക്കുന്നു..
ഈ പുഴയിലൂടെയുള്ള തോണിയാത്രയും ഒരനുഭവം തന്നെ.. തട്ടേക്കാട് ദുരന്തം മനസ്സിലുണ്ടായിരുന്നതുകൊണ്ട് തോണിയിൽ തിങ്ങിനിറഞ്ഞുള്ള യാത്ര മനസ്സിൽ ചെറിയൊരു ഭയവുമുണ്ടാക്കിയിരുന്നുവെങ്കിലും ഈ പുഴയുടെ മനോഹാരിത പകർത്താതിരിക്കാൻ മനസ്സനുവദിച്ചില്ല.. പാണംകുഴി പുഴയിലേക്ക് മഹാഗണിത്തോട്ടത്തിനുള്ളിലൂടെ പോകുന്ന വഴിയില്‍നിന്നുള്ളതും, പാണംകുഴി ഭാഗത്തുനിന്നും പുഴയുടെ നടുക്കുള്ള തുരുത്തിലേക്കുള്ള തോണിയാത്രയ്ക്കിടയിലുള്ളതും, തുരുത്തിലെത്തിക്കഴിഞ്ഞ ശേഷമുള്ളതുമായ ചില ചിത്രങ്ങളാണ് ഇവിടെ ചേർത്തിരിക്കുന്നത്..

പുഴയുടെ നടുവിലുള്ള തുരുത്തില്‍നിന്നുള്ള ഒരു ചിത്രം..

തോണിയില്‍നിന്നെടുത്ത ഒരു ചിത്രം... മീന്‍ പിടിക്കുന്നതിനായി തോട്ടയിടുന്നു...

ഞായറാഴ്ച്ചകളില്‍ ഇത്തരത്തില്‍ തോട്ടയിട്ട് മീന്‍ പിടിക്കാന്‍ വരുന്നവരുടേയും ചൂണ്ടയിടാന്‍ വരുന്നവരുടേയും ചെറിയ കൂട്ടങ്ങള്‍ ഇവിടെ കാണാന്‍ സാധിക്കും..

മേടപ്പത്ത്...

2007-05-06T22:06:00.000+05:30

കഴിഞ്ഞദിവസത്തെ മഴയ്‌ക്കുമുന്‍പ് ചുവന്നുതുടുത്ത ആകാശം.. മഴയ്‌ക്കുമുന്‍പുള്ള ആകാശം സുന്ദരമായൊരു കാഴ്‌ച്ചയാണ്.. എത്രകണ്ടാലും മടുപ്പുണ്ടാക്കാത്ത എത്ര പകര്‍ത്തിയാലും മതിവരാത്തൊരു കാഴ്‌ച്ച... അത് സൂര്യാസ്‌തമയസമയത്താണെങ്കില്‍ പറയുകയും വേണ്ടാ..

ഭൂതത്താങ്കെട്ട് അണക്കെട്ട് Bhoothathankettu Dam

2007-05-01T23:28:00.000+05:30

ഭൂതത്താങ്കെട്ട് അണക്കെട്ട്...

പെരുമ്പാവൂരില്‍ നിന്നു കോതമംഗലം വഴി ഇടമലയാര്‍ വഴിയിലൂടെ മുപ്പത്തിരണ്ട് കിലോമീറ്റര്‍ സഞ്ചരിച്ചാല്‍ ഭൂതത്താങ്കെട്ട് അണക്കെട്ടിലെത്താം. പെരിയാറിനു കുറുകേ ഏറ്റവും താഴത്തായുള്ള അണയാണ് ഭൂതത്താന്‍ കെട്ട്. ഭൂതത്താന്‍‌കെട്ട് എന്ന് പേരുവന്നതിന് പിന്നിലൊരു കഥയുണ്ട്... പണ്ട് ചില ഭൂതത്താന്‍‌മാര്‍ ഇവിടെ താമസിച്ചിരുന്നു അവര്‍ ഒരു ദിവസം രാത്രിയില്‍ ഈ നദിക്ക് കുറുകേ അണകെട്ടാന്‍ ശ്രമിച്ചു.. പുലരുന്നതിന് മുന്‍പ് കെട്ടിത്തീര്‍ക്കാനായി ഭീമന്‍ പാറക്കല്ലുകള്‍ അവര്‍ അടുക്കിവയ്ച്ച് ജോലിതുടങ്ങി.. പുഴയുടെ കുറുകേ മുക്കാല്‍ഭാഗത്തോളം കെട്ടിത്തീര്‍ക്കുകയും ചെയ്‌തു.. അവര്‍ അണകെട്ടിത്തീര്‍ന്നാന്‍ മനുഷ്യരാശിക്ക് അത് ദോഷം ചെയ്യുമെന്ന് മനസ്സിലാക്കിയ വിഷ്‌ണു അര്‍ദ്ധരാത്രിയില്‍ കോഴിയുടെ രൂ‍പത്തിലെത്തി കൂവി... ഇതുകേട്ട് നേരം പുലര്‍ന്നെന്ന് കരുതിയ ഭൂതത്താന്മാര്‍ മടങ്ങിപ്പോകുകയും ചെയ്‌തു... ഇപ്പോഴും നമുക്ക് അടുക്കിവച്ചതുപോലുള്ള ആ പാറക്കൂട്ടം കാണാന്‍ സാധിക്കും.. ഇപ്പോഴത്തെ അണക്കെട്ടിനുതാഴെയായിട്ടാണ് ഭൂതത്താന്മാരുടെ അണ നില്‍ക്കുന്നത്.. വെള്ളം പൂര്‍ണ്ണമായും തടഞ്ഞുനിര്‍ത്തിയാല്‍ ദോഷമാണെന്ന് ഇപ്പോഴും വിശ്വാസമുള്ളതുകൊണ്ടാകണം ഇവിടുത്തെ എല്ലാ ഷട്ടറുകളും ഒരുമിച്ച് അടക്കാറില്ല... ഏതെങ്കിലും ഒന്ന് എപ്പോഴും അല്‍പ്പം തുറന്നുതന്നെ കിടക്കും..

ചിത്രം 1. ഭൂതത്താന്‍കെട്ട് അണക്കെട്ടില്‍നിള്ള ദൃശ്യം..
ചിത്രം 2. ഭൂതത്താന്‍കെട്ട് അണക്കെട്ടില്‍നിള്ള മറ്റൊരു ദൃശ്യം..
ചിത്രം 3. ഭൂതത്താന്‍ കെട്ടിയ അണ

ചിത്രം 4. പഴയ ഭൂതത്താങ്കെട്ടില്‍നിള്ള ദൃശ്യം..

ചിത്രം 5. ഭൂതത്താന്റെ ഗുഹ...

കൂടുതല്‍ ചിത്രങ്ങള്‍ക്ക്:-
http://picasaweb.google.com/ajeeshkp007

.

ബേക്കല്‍ കോട്ട Bakel Fort Kasargode

2007-04-22T23:27:00.000+05:30

കാസര്‍ഗോഡ് ജില്ലയിലെ മനോഹരമായ ബേക്കല്‍ കടല്‍ത്തീരത്ത് പാറക്കെട്ടുകളുടെ മുകളില്‍ തലയുയര്‍ത്തിനില്‍ക്കുന്ന ബേക്കല്‍ കോട്ടയുടെ കുറച്ചു ചിത്രങ്ങള്‍.. ബേക്കല്‍ കോട്ട..
പ്രവേശനകവാടം..

കോട്ടയില്‍ നിന്ന് കടലിലേക്കുള്ള തുരങ്കം.. കോട്ടയുടെ ചുറ്റുമതിലിലുള്ള കടല്‍ നിരീക്ഷണത്തിനുള്ള ഇടങ്ങളിലൊന്ന്

കോട്ടയുടെ ചുറ്റുമതില്‍..

കോട്ടയുടെ ചുറ്റുമതില്‍..

കുടജാദ്രി - Kudajadri

2007-04-18T23:25:00.000+05:30

കുടജാദ്രിയാത്ര എന്റെയൊരു സ്വപ്‌നമായിരുന്നു.. ആ സ്വപ്‌നം യാധാർത്ഥമായപ്പോൾ...

കാടിനുള്ളിലൂടെ..

തങ്കപ്പന്‍ ചേട്ടന്റെ ചായക്കട

കുടജാദ്രിയിൽ നിന്നുള്ള വഴിയുടെ ചില ദൃശ്യങ്ങള്‍

ഹിൽടോപ്പിലേക്ക് ജീപ്പ് വരുന്ന വഴി..

മലഞ്ചെരുവിലൂടെയുള്ള നടപ്പാത

കുടജാദ്രിയിലെ ഗസ്‌റ്റ് ഹൗസ്..

കുടജാദ്രിയിൽ നിന്നുള്ള വഴിയുടെ ചില ദൃശ്യങ്ങള്‍

മലയിറങ്ങുന്ന തീർത്ഥാടകർ..

കുത്തനെയുള്ള മലഞ്ചെരുവിലൂടെയുള്ള ഈ യാത്ര ഒരു അനുഭവം തന്നെയാണ്..

How to display Malayalam correctly?

2007-04-15T19:30:00.001+05:30

Download AnjaliOldLipi.ttf font from Varamozhi site. Copy-Paste the font to your Windows\Fonts directory (default: C:\Windows\Fonts). If you have an older version installed in the machine, delete the old one and copy-paste the new one.
--
Mozilla Firefox users: Open Tools > Options > Content > Fonts & Colors > Advanced. Select Malayalam from the 'Fonts for' drop-down box. Select AnjaliOldLipi.ttf for all font types. Restart your browser.
--
Internet Explorer users: Open Tools > Internet Options > General > Fonts. Select 'Malayalam' from Language script drop-down box. Select AnjaliOldLipi as the Web Font. Restart your browser.
--
Note: You may need to restart the system, if you are installing the font for the first time and if it is not listed in the Font lists.
--

കോടനാട് ആന പരിശീലന കേന്ദ്രം - Kodanad elephant training center

2007-04-04T23:21:00.000+05:30

കേരളത്തിലെ രണ്ട് ആനപരിശീലനകേന്ദ്രങ്ങളിലൊന്ന്… പെരിയാറിന്റെ തീരത്തായാണ് ആനക്കൂട് സ്ഥിതിചെയ്യുന്നത്.. പുഴയുടെ മറുകരയിലാണ് പ്രശസ്‌തമായ മലയാറ്റൂർ കുരിശുമുടി.
പണ്ട് കാട്ടിൽ വാരിക്കുഴികുത്തി ആനകളെ പിടിച്ചിരുന്നപ്പോൾ ആ ആനകളെ പരിശീലിപ്പിച്ചിരുന്നത് ഇവിടെയായിരുന്നു… വാരിക്കുഴിയിൽനിന്നും ആനകളെ പിടികൂടുന്നതിന് പ്രത്യേക പരിശീലനം ലഭിച്ച താപ്പാനകൾ ഇവിടെയുണ്ട്… അപകടത്തിൽപെട്ടും മറ്റും കിട്ടിയ ആനക്കുട്ടികളടക്കം വിവിധ പ്രായത്തിലുള്ള പത്തോളം ആനകൾ ഇപ്പോഴുമിവിടെയുണ്ട്. ആനക്കൂടിനോട് ചേർന്ന് ചെറിയൊരു മൃഗശാലയും കുട്ടികൾക്കായുള്ള കളിസ്ഥലവുമുണ്ട്…
പെരിയാറിന്റെ തീരത്തുള്ള ഈ സ്ഥലവും ആനക്കൂടും കാണുന്നതിനായി ദിവസവും നൂറുകണക്കിനാളുകൾ എത്തിച്ചേരാറുണ്ട്… ഇപ്പോൾ നിൽക്കുന്ന സ്ഥലത്തുനിന്നും ആനക്കൂട് മൂന്ന് കിലോമീറ്റർ അകലെയുള്ള കപ്രിക്കാട്ടേക്ക് മാറ്റി സ്ഥാപിക്കാനുള്ള ശ്രമത്തിലാണ്.. പെരുമ്പാവൂരില് നിന്നും ആലാട്ടുചിറയ്ക്കുള്ള വഴിയിലൂടെ ഏകദേശം പതിനാല് കിലോമീറ്ററ് സഞ്ചരിച്ചാല് കോടനാട് എത്താം...

തട്ടേക്കാട് പക്ഷിസങ്കേതം Thattekkad Bird Sanctuary

2007-04-03T12:55:00.000+05:30

തട്ടേക്കാട് പക്ഷിസങ്കേതം (ഡോ.സാലിം അലി പക്ഷിസങ്കേതം)പ്രശസ്‌ത ഇന്ത്യന്‍ പക്ഷി ശാസ്‌ത്രജ്ഞനായ ഡോ. സാലിം അലിയുടെ പേരിലുള്ള ഈ പക്ഷിസങ്കേതം 1983 ആഗസ്‌ത് മാസം 27 ന് നിലവില്‍ വന്നു.. ഇരുപത്തി അഞ്ച് ചതുരശ്രകിലോമീറ്ററിലതികം വിസ്‌തൃതിയുള്ള ഈ വനപ്രദേശം 300-ല്‍ അധികം ഇനം പക്ഷികളുടേയും അനവധി മൃഗങ്ങളുടേയും, ഉരഗങ്ങളുടേയും ആവാസകേന്ദ്രമാണ്.. കൂടാതെ പലതരം ദേശാടനപ്പക്ഷികളും വര്‍ഷംതോറും ഇവിടെ എത്തിക്കൊണ്ടിരിക്കുന്നു..

ഡോ. സാലിം അലി നിരവധി തവണ ഇവിടെ പക്ഷിനിരീക്ഷണത്തിനായി എത്തിയിട്ടുണ്ട്.. അദ്ദേഹമാണ് തട്ടേക്കാട് പക്ഷിസങ്കേതമാക്കണമെന്ന് ശുപാര്‍ശ ചെയ്‌തത്.. അദ്ദേഹത്തോടുള്ള ബഹുമാനാര്‍ത്ഥം ഈ പക്ഷിസങ്കേതത്തിന് അദ്ദേഹത്തിന്റെ പേരു നല്‍കി.. അത്യപൂര്‍വ്വമായ ചിലയിനം പക്ഷികളെ ഇവിടെനിന്നും കണ്ടെത്തിയിട്ടുണ്ട്..

പക്ഷികളേക്കൂടാതെ ആനയും കടുവയും അടക്കം നിരവധി കാട്ടുമൃഗങ്ങളും ഇവിടെയുണ്ട്.. രാജവെമ്പാലയും പെരുമ്പാമ്പുമടക്കമുള്ള ഉരഗങ്ങളും.. ഭൂതത്താങ്കെട്ട് അണക്കെട്ടിന്റെ റിസര്‍വോയറില്‍പ്പെട്ട സ്ഥലമായതിനാല്‍ പെരിയറില്‍ മിക്കവാറും നിറയേവെള്ളമുണ്ടാകും.. നീര്‍പ്പക്ഷികളെ ഇവിടം പ്രിയങ്കരമാക്കുന്നതില്‍ ഇക്കാരണവും വലിയരീതിയില്‍ സ്വാധീനിക്കുന്നു.. മാത്രമല്ല ഇവിടുത്തെ ജലാശയങ്ങള്‍ മത്സ്യസമ്പത്തിന്റെ ഒരു കലവറയാണ്.. വനത്തിനുള്ളിലൂടെ പുഴയുടേയും കനാലുകളുടേയും മുകളിലൂടെ നടക്കുന്നതിനായി നിരവധി നടപ്പലങ്ങളും, വിശ്രമിക്കുന്നതിനായി ചെറിയ വിശ്രമസങ്കേതങ്ങളും ഇവിടെ തീര്‍ത്തിട്ടുണ്ട്.. ഈയടുത്തകാലം വരെ പുഴയിലൂടെയുള്ള ബോട്ടിങ്ങും ഉണ്ടായിരുന്നു.. ഒരപകടത്തില്‍പ്പെട്ട് 15 കുട്ടികളടക്കം 18 പേര്‍ മരണപ്പെട്ടതിനുശേഷം അതു നിര്‍ത്തിവച്ചിരിക്കുകയാണ്..

കോതമംഗലത്തുനിന്ന് പൂയംകുട്ടി റോഡിലൂടെ പതിമൂന്ന് കിലോമീറ്റര്‍ യാത്ര ചെയ്‌താല്‍ തട്ടേക്കാടെത്താം.. വളരെ മനോഹരമായ ദൃശ്യങ്ങള്‍ ആസ്വദിച്ചുകൊണ്ടുള്ള ഈ യാത്രയും ബോറടിപ്പിക്കില്ല.. മനോഹരമായ ഭൂതത്താങ്കെട്ട് അണക്കെട്ടും ഇവിടെ അടുത്തുതന്നെയാണ്..